ZIEMOMISLUS

I.

ZIEMOMISLUS

filius Lesci, nepos Ziemoviti, de quo infra, pronepos Piasti, patris successor, Princeps fuit lenis, beneficus et hospitalis: Pater tandem, ex uxore sterili, Miecislai, qui ad septimum aetatis annum caecus, visu dein, cum tonderetur, receptô, Poloniae lumen magnum portendit, gente ad fidem perductâ A. C. 965. inclitus. Obiit A. C. 962. Regni vel Principatus 46. successore filiô Miecislaô.

II.

ZIEMOMISLUS

vel Semomislaus, filius Casimiri Lenciciensis, Mazoviae in Polonia Ducis, Cuiaviam cum Lencicia tenuit. Pater Casimiri, qui cum a Lesco Nigro Rege, patruo suo, cum fratre Primislao Principatum Pomerelliae impetrâsset, eôdem a Cruciferis eiectus filium habuit, Uladislaum Album: qui venditô Ducatu Gniewkov Monasterium Divione ingressus est. Vide Phil. Iac. Spenerum, Syll. Geneal.